მოსწავლის ერთი სკოლიდან მეორეში გადასვლას მობილობა ჰქვია. მთავარი პირობა ერთია: სკოლაში, სადაც გადასვლა გინდა, შესაბამის კლასში თავისუფალი ადგილი უნდა იყოს. თავისუფალი ადგილების სიას მობილობის პერიოდებში EMIS აქვეყნებს, მაგრამ ყველაზე სწრაფი გზა სკოლაში დარეკვაა.
როდის არ ხდება მობილობა
- 1-დან 15 სექტემბრამდე
- პირველი კლასის პირველი სემესტრის განმავლობაში
- მეთორმეტე კლასის მეორე სემესტრის განმავლობაში
- სასწავლო წლის დასრულებამდე ბოლო 30 კალენდარული დღის განმავლობაში
ნაბიჯები
- იპოვე სკოლა თავისუფალი ადგილითნახე შენი მუნიციპალიტეტის სკოლების სია, აირჩიე რამდენიმე და დაურეკე, არის თუ არა ადგილი შენი შვილის კლასში.
- დაწერე განცხადებამშობელი ან კანონიერი წარმომადგენელი განცხადებას წერს დირექტორის სახელზე. მიმღებ სკოლას შეუძლია მოსწავლეს გაესაუბროს, რომ დარწმუნდეს, მისი ცოდნა ეროვნული სასწავლო გეგმის შესაბამისია.
- სკოლები პროცესს ელექტრონულად აფორმებენმიმღები სკოლა მობილობის ელექტრონულ ფორმას ავსებს, ამჟამინდელი სკოლა მას ადასტურებს და დირექტორის ბრძანებით მოსწავლეს რიცხავს. უარის შემთხვევაში სკოლამ მიზეზი წერილობით უნდა განმარტოს.
- ჩარიცხვაძველი სკოლიდან გარიცხვის შემდეგ ახალი სკოლის დირექტორი ჩარიცხვის ბრძანებას გამოსცემს.
მობილობის პერიოდებსა და წესებს განათლების სამინისტრო განსაზღვრავს და ისინი შეიძლება შეიცვალოს. განცხადების დაწერამდე ვადები ორივე სკოლაში დააზუსტე.
